ПРАЗДНИК ЛУНЪЯСӦ ВОЛИСПОЛКОМЪЯСЫН КОЛӦ УДЖАВНЫ

Крестьяналӧн прӧст пӧраыс, шойччӧг лунъясыс ичӧтика лолӧны сӧмын праздникъясӧ. Сэки найӧ чукӧртчылӧны волисполкомъясӧ да нардомъясӧ. Уджалан лунъясӧ крестьянаыд сэтчӧ оз эштыны волывны.

Крестьянаыдлы волисполкомад унаысь могӧн колӧ волывлыны: налог мынтыны, кутшӧмкӧ справкаяс босьтны. Сы понда сылы быть лоӧ эновтлыны гортса уджсӧ, медым ветлыны волисполкомад. Сэсся ӧд и аслыныс волисполкомъяслы колӧ нуӧдны крестьяна пӧвстын уджтӧ.

Сы вӧсна волисполкомъясын вӧскресенньӧяс колӧ лӧсьӧдны уджалан лунӧн, шойччӧгсӧ сетны прӧстӧй лунъясӧ. Кутшӧмсюрӧ волисполкомъяс вӧчалӧны постановленньӧяс вӧскресенньӧясӧ не уджавны. Тадзитӧ абу шань.

Ладимер Дедов.