ОЗ ДОГОВОР СЕРТИ УДЖАВ

Октябр тӧлысьын Мослесстройын уджалысь Мильковскӧй медавліс Ношульса да Сернӧсса крестьянаӧс кер пӧрӧдны Ловъю ю кузя. Договорас вӧлі шуӧма, вӧр пӧ вӧчны нёль вершӧка, муртавны пӧ корнас. Нёль вершӧкысь улӧ пӧ не вӧчны. Сэсся Мильковскӧй кӧсйӧ вӧлі вӧрӧ вӧчны гырысь ӧшиня керкаяс, кӧрт пачьяс сувтӧдлыны, лампаяс сетны.

Кор крестьянаыд кайисны вӧрад уджавныд, нинӧм эз ло Мильковскӧй кӧсйӧм серти.

Вӧр заводитіс тшӧктыны вӧчны куим вершӧкӧдз, примитны вӧрсӧ кутісны кортӧгыс. Керкаясыс ӧшиньтӧмӧсь, пачтӧмӧсь, лампаястӧмӧсь. Кӧдзыд дырйиыд биасясны керкаад да, мӧда-мӧдтӧ он аддзы, узьныд тшынысла он вермы. Сэсся Мильковскӧйыс керсӧ примитны босьталӧма сардырся приёмщикъясӧс да, вӧр лэдзысьяс зэв жӧ шуасьӧны.

Татшӧм пӧръясьӧмсьыд уджалысьяс ставыс эновтісны уджсӧ да лэччисны гортас.

Тайӧ пӧръясьӧмысь да не дӧговор серти уджалӧмысь колӧ Мильковскӧй вылӧ прамӧйджыка видзӧдлыны.