КОМСОМОЛ ЯЧЕЙКАЛӦН УДЖЫС

Позтыса (Кулӧмдін у.) комсомол ячейкаын 24 морт, ставыс гӧль крестьянин пиян. Арсяньыс ячейкаын уджыс кутіс мунны лӧсьыда. Лӧсьӧдӧма нарошнӧ план, код серти нуӧдӧны уджсӧ. Быд вежон ӧтчыд овлывлӧ политграмота. Заняттьӧяс вылын комсомолечьяс ёна сёрнитӧны быдтор йылысь, зільӧны тӧдмасьны бурджыка велӧданторнас. Сэсся вежон пытшкын ӧтчыд чукӧртчывлӧны сёрнитны видз-му выль ногӧн уджалӧм йылысь. Сэні комсомолечьяс кындзи овлывлӧны крестьяна.

Комсомол ячейка да коммунист партияса ячейка лэдзӧны стенӧ ӧшӧдан газет.

Крестьяна комсомол вылӧ видзӧдӧны бура.

№ 50.