СЕНЬКИН ОЗ ВЕЖСЬЫ

«Коми Сикт» газетын (№ 28) гижлісны Волсяын Сӧветӧ бӧрйысьӧм йылысь. Сэні вӧлі гижӧма: юралысяс пӧ бӧрйисны Сенькинӧс. Юӧмсӧ кӧ пӧ эськӧ сійӧ шыбитас, позяс пӧ сыысь бура уджалӧм виччысьны. Сӧмын тай эз сідз ло. Сенькин важ мозыс жӧ пыр юӧ самӧкуртӧ. Мӧд лунас юӧм бӧртиыд сійӧ оз и вермы бура уджавны да мукӧддырйиыс дзикӧдз оз волы. Сідзтӧ кӧ кутас уджавныд, дерт, буртортӧ нинӧм нин сыысь виччысьны. Бӧръя кык тӧлысяс эз нин вӧв вӧлӧсьтувса Сӧветлӧн чукӧртчылӧмыс.

Сэтчӧс.