208 ШАЙТ ЛОТАЙТӦМА

Потребительскӧй общество уджалӧ омӧля.

Позтыын (Кулӧмдін у.) потребительскӧй общество колян ар нин заводитліс вӧчны дьӧгӧдь вӧчан завод, да ӧнӧдз на нинӧм абу, вайлӧмаӧсь жӧ эськӧ дьӧгӧдь вӧчан пачсӧ да. Колян тӧв жӧ бара шулісны лӧсьӧдны кер выль лавка стрӧитӧм вылӧ. Сэсянь коли нин во, а керйыс воӧма сӧмын 8 кымын на. Ревизионнӧй комиссия сентябр тӧлысьын заводитліс вӧчны лавкаас вося ревизия, да тшӧтӧводыс вӧлі ставсӧ дзугӧма делӧяссӧ, лои эновтчыны инструктор вотӧдз. Помӧдз ревизияыс эштіс ноябр 3-ӧд лунӧ. Приказчикыс вит тӧлысь удж бӧрын абу судзсьӧма 208 шайт да 20 ур. Крестьяна шленъяс ёна зэв мургӧны. Потребительскӧй обществоын став шленыс вӧлі 220 морт. Ӧні мукӧд шленъясыс заводитісны бӧр петны, шуӧны: нинӧм пӧ тадзтӧ, удача шленад олӧмысь оз ло.

№ 50.