МӦДА-МӦДЛЫ ОТСАСЯН КОМИТЕТЪЯСЛӦН УДЖЫС

Став РСФСР пасьта мӧда-мӧдлы отсасян комитетъясыс лоӧ 50 сюрс саяс. Ӧнӧдз бура тӧдмалӧма удж нуӧдӧмсӧ 17225 комитетлысь. 1925ʼ воын январ 1-ӧд лунсянь апрель 1-ӧд лунӧдз сійӧ комитетъясыс отсалӧмаӧсь сьӧмӧн, уджалӧмӧн да кӧлуйӧн 400 сюрс мортлы. Сьӧмӧн да кӧлуйӧн комитетъяс отсалӧмаӧсь крестьяналы 700 сюрс шайт дон. Сы кындзи мӧда-мӧдлы отсасян комитетъяс судзӧдӧмаӧсь видз-му уджалан кӧлуй да машинаяс 70 сюрс шайт дон кымын. Сэсся комитетъяслӧн видзӧма сьӧм ассьыныс предприяттьӧяс лӧсьӧдӧм вылӧ да кутшӧмсюрӧ кӧлуй сэтчӧ ньӧбалӧм вылӧ 500 сюрс шайт саяс.

Тайӧ куим тӧлысьнас мӧда-мӧдлы отсасян комитетъяс ӧтувтӧмаӧсь быдсяма пӧлӧс артельясӧ асланыс гӧльджык шленъяс пиысь 2304 мортӧс. Пыртӧмаӧсь кооперативъясӧ гӧль крестьянаӧс, шленскӧй взносъяссӧ на пыдди мынтӧмӧн, 84 сюрс мортӧс.

Строганов.