ПРИКАЗЧИК АБУ СУДЗСЬӦМА 560 ШАЙТӦН

(«Коми Сиктын» 26-ӧд номерын «Мудер приказчик» гижӧд вылӧ)

Кооперативса правленньӧлы да ревизионнӧй комиссиялы шленъяссянь ни, мукӧд гражданасянь некутшӧм норасьӧм эз вӧвлы приказчик Камбаловӧн йӧзӧс вузасигӧн бӧбйӧдлӧм йылысь. Кор «Коми Сикт» газетын 26-ӧд номерын петіс гижӧд «Мудер приказчик», сэки вӧлі ревизионнӧй комиссия видлалӧ нин лавкасӧ. Видлалігас вӧлисти шленъяс да мукӧд граждана кутісны норасьны Камбалов вылӧ: ёна пӧ сійӧ пӧръявліс, бӧбйӧдліс ньӧбасьысьясӧс. Ӧні ревизияыс эштіс. Приказчик Камбалов эз судзсьы тӧварнас 560 шайт да 36 ур дон. Сы йылысь мӧдӧдӧма юӧр прокуратураӧ.

Правленньӧ да рев. комиссия.