ВАЖКУАЫН

Таво Октябрса революциялы 8-ӧд во тыран лун Важкуаын колльӧдісны зэв бура. Ноябр 6-ӧд лунӧ вӧлі торжественнӧй заседанньӧ, вӧчисны докладъяс Октябрса революция йылысь. Ноябр 7-ӧд лунӧ асывнас став организацияясыс да учрежденньӧясыс чукӧртчисны гӧрд флагъясӧн да вӧчисны митинг. Сы бӧрын революционнӧй сьыланкывъяс сьылігтырйи ветлісны Важкуа кузя. Рытнас нардомын вӧлі торжественнӧй заседанньӧ. Сэні вӧчисны уна докладъяс Октябрса революция йылысь, 8 вося удж йылысь, водзӧ кежлӧ удж йылысь. Сы бӧрын вӧлі спектакль. Йӧзыс вӧліс морт 300 кымын.

Волысь крестьянин.