МЕЖАДОРЫН

Ноябр 3-ӧд лунӧ Межадорын чукӧртісны сьӧм велӧдчысь челядьлы да крестьяналы гӧснеч вылӧ. Сьӧм чукӧрмыліс шайт дас вит кымын. Сы вылӧ ньӧбавлісны быдпӧлӧс сёянторъяс. Ноябр 5−6‐ӧд лунъясӧ ветлісны профсоюзса да коммунист партия ячейкаса шленъяс матысса сиктъясӧ висьтавлыны Сӧвет власьтлысь да коммунист партиялысь 8 вося уджсӧ. Ноябр 7-ӧд лунын вӧлі торжественнӧй заседанньӧ. Заседанньӧ восьтісны выль школаын, велӧдны заводитӧм кузя. Крестьянасянь висьталіс Раевскӧй ёрт. Сійӧ висьталіс ыджыд пасибӧ межадорса крестьяналы да Сӧвет власьтлы выль школа вӧчӧмысь.

Ноябр 8-ӧд лунӧ вӧлі митинг. Митинг вылын висьталісны, мый вӧчӧма 8 воӧн Сӧвет власьт да кыдзи мырсьӧ коммунист партия рабочӧй да крестьяна понда. Йӧзыс митинг вылас вӧлі морт 100 кымын. Рытнас крестьяналы вӧлі спектакль. Крестьяна колины зэв дӧвӧльӧнӧсь.

Й. Д. Мальцев.