«КОМИ СИКТ» ОТСАЛІС

«Коми Сиктын», 20-ӧд №-ын, август 29-ӧд лунӧ, селькор Арабачса гижліс: колӧ пӧ выльысь юклысьны Арабачын (Айкатыла вӧл.). Колян во пӧ заводитлісны юклысьны, да нинӧм эз артмы.

Тайӧ гижӧд кузяыс обласьтувса прокурорлӧн отсасьысьысь 4-ӧд участокын юӧртӧ: колян во пӧ Айкатыла вӧлӧсьтын эз вермы лоны юклысьӧмыс, крестьяна костаныс та кузя сӧгласыс абу лоӧма да. Сэки, видз-му закон чукӧр серти, мырдӧн вӧчны юклысьӧмсӧ оз позь вӧлі. Емдін уездын управленньӧ висьтавлӧма прокурор отсасьысьлы: видз-му юклысьӧм кузя пӧ мерасӧ ӧні примитӧма.