СЕРНӦСЫН

(Сыктыв уезд)

Сернӧсын (Сыктыв у.) октябр 4-ӧд лунӧ вӧлі выль школа восьтан рыт. Крестьяна зэв ёна зілисны стрӧитныс школасӧ. Уездувса исполком сетліс школа стрӧитӧм вылӧ 1350 шайт. Важ школаас ӧні воссис лыддьысян керка. Лыддьысян керкалӧн помещенньӧыс лои зэв бур, сӧмын сэні зэв этша выль нигаяс, дзик нинӧм крестьяналы да том войтырлы лыддьыныс. Уездувса политпросвет мукӧд лыддьысян керкаяс серти татчӧ этша ыстӧ нигаяссӧ. Колӧ эськӧ политпросветлы ёнджыка ыстыны сэтчӧ выль нигаяс.

Комсомол ячейка уджалӧ Сернӧсын омӧля. Шленъясыс крестьяна собранньӧяс вылӧ оз волывлыны. Крестьяна норасьӧны: комсомолечьяс пӧ пыр юӧны, а некутшӧм удж оз нуӧдны. Комсомолечьяс воспитательнӧй удж вылӧ волывлӧны зэв омӧля, том йӧз панйыны нин найӧс кутісны, лыддьысян керкаад ёнджыка волывлӧны.

Нывбаба костын. Кооператив вӧлі босьтлӧма няръясян машина. Ӧні нывбабаяс ёна и мырддьысисны сы вылын — быдӧнлы колӧ. Колӧ нывбабаяслы ӧтувтчыны да мӧд няръясян машина судзӧдны.

Избач.