АЗЕРБАЙДЖАНЫН ВӦТЛӦНЫ ШАХӦС

Тегеран. Азербайджанын (Персияын) националист партияса шленъяс лэдзӧмаӧсь воззванньӧ. Воззванньӧын националистъяс тшӧктӧны вӧтлыны шахсӧ (важ сарсӧ). Меджлис (госуд. дума) депутатъяс оз кӧ вӧтлыны шахӧс, — шуӧны националистъяс, — ми ставнысӧ виам да депутатъяс вирӧн мавтам меджлис стенъяссӧ. Октябр 29 лунӧ националистъяс лэдзӧмаӧс выль воззванньӧ. Сэні меджлис депутатъясӧс найӧ шуӧны «государство вузалысьясӧн». Тавризын (кар Азербайджанын) националистъяс лӧсьӧдӧны отрядъяс да правительственнӧй учрежденньӧяссӧ босьтӧны. Тавриз да Тегеран (центр кар Азербайджанын и столича Персияын) костын туйяс тупкӧма.