«МИЯНӦС ВЕЛӦДЫСЬ ЛЕНИН» НИГА ЙЫЛЫСЬ

Тайӧ нигаыс роч вылысь лӧсьӧдӧма школаын велӧдчысь челядьлы. Гижӧма тані Ленин ичӧтдырся олӧм йылысь: кыдзи сійӧ ворслывлӧма, школаясын велӧдчывлӧма, кыдзи лоӧма уджалысь йӧз понда зільсьысь морт, кыдзи радейтлӧма челядьӧс, кыдзи тӧждысьлӧма гӧль йӧз велӧдчӧм вӧсна. Ме ногӧн кӧ, тайӧ нигаыс роч вылысь лӧсьӧдӧма абу ёна бура. Уна кывъяс рочӧн гижӧма, кодъясӧс позьӧ вӧлі комиӧн лӧсьӧдны: «любитліс, зӧлӧта, катушка, булки, ладнӧ, виноватство, мучитӧ, письмӧ, прамӧй, первой, чувствуйтісны, кончитӧм, похороннӧй марш, пӧкӧритны, делӧ» дай мукӧд сэтшӧм кывъяс эмӧсь. Сэсся гижӧма нигасӧ тайӧс Лузса сёрни кузя, мукӧдлаас челядь школаясын оз ставсӧ гӧгӧрвоны. Эм весиг торксяланінъяс: 11 лист бокын печатайтӧма «тмоз-мор», а колӧ «морт моз», 32 лист бокын печатайтӧма «дзжӧ-сі», колӧ «сідзжӧ». Сы ӧтарысь, тайӧ нигаыс Ленин йылысь челядьяслы школаясӧ зэв колантор, да и велӧдысьыслы ковмывлас «21 январ лун» комплекс дырйи.

Цыпанов.