АСЛАНЬЫС КЫСКӦ. КОЛӦ ЧИРЫШТНЫ

Айкатыласа волисполкомын шленыс дай волземкомиссияын юралысьыс Лодыгин Прокопей Иван нӧйтлывлӧма бабасӧ. Йӧзыс унаысь нин аддзывлӧмаӧсь нӧйтӧмсӧ. Сы вӧсна бабаыс ӧні мужик дінсьыс торйӧдчӧ. Сӧмын Лодыгиныс бабаыслы нинӧм оз сет, весиг сёйныс няньсӧ абу сетӧма. Волӧма бабаыс Лодыгин дінӧ нянь корны, да Лодыгин шуӧ: «Меысь ыджыд пӧ некод абу!»

Сідзи тай эськӧ шуӧ Лодыгиныд да, миян ногӧн ӧд, эм на сыысь ыджыдджык дай чорыдджык закон.

Сэсся Лодыгин омӧля волывлӧ исполкомӧ. Мунас мукӧддырйи гортас да лун куимӧдз оз волы.

Сэтчӧс.