КЫДЗИ МУНӦ ВЫЛЬГОРТЫН НЮР КОСЬТАН УДЖ

Кодйӧма 50 верст кузя канава.

Таво удж муніс дай мунӧ на зэв лӧсьыда. Уджалысьяс вӧліны мукӧд лунъясас морт 400 кымынӧдз. Став гырысь канаваяссӧ кодйӧма нин помӧдз — кызь ӧти верст кузя. Кодйӧны ӧні посни вомӧна канаваяс, кодйӧма нин верст комын кымын. Вӧчӧма ӧтик шлюз (ва помӧд) да дас куим пос канаваяс вомӧн. Локтан во, лоас кӧ лӧсьыд, бур поводдя, став нюр косьтӧм уджыс, шлюзъясыс, посъясыс дзикӧдз помасясны. Ӧнӧдз став удж вылас видзӧма сьӧмсӧ дас вит сюрс гӧгӧр да ещӧ на ковмас видзны сюрс дас гӧгӧр. Сэсся мыйкӧ мында уджалісны асьныс шленъясыс дон босьттӧг. Став шленыс ӧні 105 морт. Колӧ эськӧ пырны шленас унджыклы, да полӧны ыджыд рӧскодысь.

Н. Чеусов.