ЙӦРӦСДІНЫН

Йӧрӧсдінын (Емдін у.) сӧветӧ бӧрйысян удж помасис октябр 17-ӧд лунын. Сӧветӧ бӧрйысян собранньӧ вылын вӧлі йӧзыс 50 прӧчент (джынйыс став бӧрйысьысь крестьяна пӧвстысь). На пиын дасӧд юкӧныс вӧлі нывбаба. Волисполкомса шленлӧн докладыс волисполком удж йылысь крестьяналы зэв сьӧлӧм вылас воис: войдӧр пӧ, — шуӧны, — татшӧм бура волисполком удж йылысь эз висьтавлыны. Вӧлӧсьтувса сӧветӧ бӧрйисны куим мортӧс: ӧти шӧркоддьӧма олысь, мӧдыс гӧлиник крестьянин, а коймӧдыс комсомолеч. Собранньӧ вылын колян вося дорысь крестьяна ёна бура сёрнитісны быдтор йылысь. Тӧдчӧ, мый крестьяналы волисполкомса удж абу нин боки удж.

Кристалл.