ЧИЧЕРИН ЁРТ ВАРШАВАЫН ДА БЕРЛИНЫН

Сентябр тӧлысь помын СССР-лӧн мукӧд государствояскӧд удж нуӧдысь комиссар Чичерин ёрт муніс бурдӧдчыны заграничнӧй курортӧ. Мунігас сійӧ сувтіс Варшаваӧ (Польшалӧн столича) да Берлинӧ (Германиялӧн столича). Чичерин ёртлӧн татчӧясӧ волӧмыс ёна отсаліс лӧсьӧдны СССР-а-Польшаа-Германияа кост бурджыка волысьӧмъяс (отношения). Польшаса правительство зэв бура примитіс Чичерин ёртӧс. Став польшаса газетъяс шуисны: Чичеринлӧн пӧ Польшаӧ волӧмыс ёна матыстас Польшаӧс СССР-кӧд.

Сентябр 30-ӧд лунӧ Чичерин ёрт воис Берлинӧ. Германияса граничаас сылы паныд петалісны сэтчӧс правительствоса шленъяс. Тайӧ картина вылас Чичерин ёртӧс приветствуйтӧ германияса государственнӧй секретар Шуберт вокзал вылын Берлинын.

Вокзал вылас волісны тшӧтш Чичеринлы паныд зэв уна германияса рабочӧйяс. Найӧ Чичерин ёртӧс колльӧдісны вокзалсяньыс карас горзігтырйи: «Мед олас Мӧскуа!»

Сійӧ луннас жӧ Штреземан ордын (Германиялӧн мукӧд государствояскӧд удж нуӧдысь министр) вӧлі торжественнӧй заседанньӧ Чичерин воӧм кузя.