***
Пӧддельнӧй Тӧдысьлы да Нэмдін Пытшлы. Письмӧястӧ мӧдӧдім обласьтувса прокурорлы.
Сыктывдінкар. Виттор Натальлы да А. К.: гижӧдъясыд оз мунны.
Ыб. Геблы. «Ыбса важ мельнича» оз мун — мельникыдкӧд колӧ ас костаныд лӧсьӧдчыны.
Паджга. Ерӧ Степӧлы. Сӧвет власьт ёна тӧждысьӧ йӧзӧс велӧдӧм вӧсна, сӧмын сьӧмыс оз тырмы школаястӧ восьтыны.
Нэмдін. «Нэм»-лы. Мед велӧдысь Паршукова ёна юрбитас, гашкӧ сылы енмыс отсалас — вермӧ кӧ отсавныс?
Тикӧн Подоровлы. Вартан машина вылад колӧ сьӧм, кысь нӧ крестьяниныд эськӧ босьтас, час, эн тэрмась, надзӧникӧн и Вашкаын машинаяс лоӧны.
Макарыб. Удорса ёртлы. Коми обласьтысь мунны некод оз кут, сӧмын миян асланым овмӧдчыныд местаыд зэв на уна, колӧ лучшӧ кӧзяйствотӧ выль ногӧн вӧдитны.
Кӧрткерӧс. Селькорлы. Муястӧ мурталӧм йывсьыд оз мун, гӧгӧрвотӧма гижӧмыд да. Гижан, абу пӧ лӧсьыд мурталӧмаӧсь да торъя комиссия бӧрйылісны. Сійӧ комиссияыс пӧ лӧсьӧдаліс уналаті, а помас гижан: мурталысьясыс пӧ абу мыжаӧсь. Сэсся выль вӧчӧм видзьяс йывсьыд бара гӧгӧрвотӧма гижӧмыд.
Грива. Комсомолечлы. Ним-овсӧ отпускникъясыдлысь абу гижӧмыд да, оз мун.
Кӧрткерӧс. Эп-пӧлы. «Кад нин идравны» гижӧдыд оз мун, тӧдчанаторйыс нинӧм абу.
Идралӧм йывсьыс позьӧ висьтавны.
Лэбалан машинатӧ стрӧитӧм йывсьыд оз жӧ мун. Мырдӧн ӧд некодӧс он вермы тшӧктыны сетны сы вылӧ сьӧмтӧ.
Руссолы. Дерт, скӧт лечитысь докторъясыд колӧны, сӧмын миян найӧ тырмымӧныс абуӧсь на.
Грива. Синлы. Абу жӧ ӧд став отпускникыс сэтшӧм. Колі гижны ним-овнысӧ.
Мордін. Селькор 184. Спектак йывсьыд оз мун, нинӧм тӧдчанаторйыс абу.
Грива. Дзузганлы. «Тадзи-ӧ колӧ?» гижӧдыд оз мун, вывті гӧгӧрвотӧма гижан да. Кармановасӧ мыйлакӧ вӧтлылӧмаӧсь комсомолысь, сэсся мыйлакӧ учительскӧй конференция вылын кутӧмаӧсь сёрнитны Кармановаӧс босьтӧм йылысь. Колӧ гӧгӧрвоанаджык гижны. Волсъезд йывсьыс нинӧм жӧ эгӧ гӧгӧрвоӧй.
Ыб. Тӧдысьяслы. Сельхозналогтӧ кӧ чинтӧны закон серти вермытӧмлысь, сэні омӧльыс нинӧм абу. Сідзи и колӧ.
Кӧрткерӧс. Эп-пӧ. Гӧрд армия йылысь гижлӧма нин вӧлі газетад. Гиж лучшӧ вӧлӧсьтса олӧм йывсьыд.
А. Лютоевлы. «Колӧ али оз избачьяслӧн съезд» мӧдӧдім политпросветӧ.
Чирклы. «Омӧль перевозчик» оз мун, посниторъяс йылысь гижан.
Кывзысьлы. Мыйла нӧ ним-овтӧ эн гиж, сытӧг газетӧ ог лэдзӧ.
Чушканлы. Андреев Егор Касьяновичлы сетӧма отсрочка 1926 воӧдз, сійӧ выль местаын овмӧдчӧ — колӧ сылы ёна горт гӧгӧр уджавны.
Айкатыла. Лютоевлы. Квитанциятӧ мӧдӧд пошта-телеграф кантораӧ, сэк аддзасны регыдджык.
Сыктывдінкар. Быдтысьысьлы. Пырав газет лэдзанінӧ, колӧ тэкӧд сёрнитны.
Сыктывдінкар. Сандрӧ Васьлы. «Став вынӧн удж бердӧ» оз мун, колӧ гижтӧдз войдӧр мӧвпыштны, мый йылысь кӧсъян гижны.
Зеленеч. Соболь пилы. «Самӧкур вузалысь» гижӧдтӧ мӧдӧдім обласьтувса административнӧй юкӧдӧ.
Керчомъя. Велӧдысь Гычовлы. Ӧні быд школаын велӧдӧны комиӧн. Газетӧ гижӧдтӧ нинӧм сюйӧмысь.
Вездін. А. Лютоевлы. Отпускникъяслы сиктъясын удж сетӧм йылысь гижлім нин. Тэнад статьяыд оз мун. Гиж, кутшӧма да кӧні отпускникъясыд кутасны уджсӧ нуӧдны. Мукӧд гижӧдыд оз мунны, ӧти кындзи. Журнал йывсьыд юалім поштӧвӧй отделенньӧысь. Юӧртам мӧдысьджык ӧтвет воӧм бӧртиыс пошта куд пыр.
Красноармееч Кызродевлы. Письмӧтӧ сетім Коми Издательствоӧ.
