МЫЙ ВӦЧИННЫД СЕЛЬКОРЪЯС ГИЖӦД СЕРТИ?

«Югыд Туйын» да «Коми Сиктын» вӧлі печатайталӧма селькоръяслысь письмӧяс нелючки кодъясӧнкӧ уджнысӧ нуӧдӧм йылысь. Сӧмын кодъяслы колӧ вӧлі вештыны сэтшӧм нелючкияссӧ газетӧ унаӧн на эз юӧртлыны. Ми на йылысь тані печатайтам да корам пырысьтӧм-пыр юӧртны газетӧ; печатайтам октябрын 1-ӧд лунсянь 15-ӧд лунӧдз газетын лэдзлӧм гижӧдъяс йылысь. Эз воны юӧръяс со кутшӧм удж нуӧданінъяссянь: Вомынса волисполкомсянь — «Кодлы мог» селькор Яков Вась гижӧд вылӧ; Додзса волисполкомсянь — «Горш мельник» селькор Сулема гижӧд вылӧ («Коми Сикт» 25 №-ын); Обоносянь — «Коми посни челядь виччысьӧны» селькор Коми морт гижӧд вылӧ («Югыд Туй» 203 №-ын); Зеленечса потребобществоса правленньӧсянь — «Мудер приказчик» селькор Сиктса гижӧд вылӧ; Обсоюзсянь — «Обсоюз, эн вунӧд» селькор Унаысь кыкӧн гижӧд вылӧ («Коми Сикт» 26 №-ын); Северолессянь — «Колӧ отсавны» селькор М. Зин—в гижӧд вылӧ.