СЮЗЬ ПИЛЫ ВОЧАКЫВ

«Коми Сиктын» 27 номерын печатайтӧма вӧлі Сюзь пилысь гижӧд «Ысты бӧр нигаястӧ». Сэтчӧ гижӧма: Озёлса избач Прокушев пӧ сьӧрас нуӧма газет редакциясянь волӧм нигаяс да журналъяс.

Ме ог соссьысь таысь, ме нуи нигаястӧ бӧр. Менӧ пуктылісны агентӧн коми нига лэдзанінсянь (Издательствосянь). Меным нига лэдзанін ыстыліс нигаяс да газетъяс вузавлӧм вылӧ. Лыддьыны ньӧбтӧг некодлы эз тшӧктыв сетавны. Избачысь мунігӧн ме став вузавтӧм нигаяссӧ да журналъяссӧ нуи Издательстволы бӧр сетӧм вылӧ.

Сюзь пи жалитӧ нигаяссӧ, колантор пӧ лыддьысян керкаӧ зэв вӧлі. Ньӧбин кӧ тэ, Сюзь пи, ме ставсӧ тэныд ӧтнадлы сеті, сьӧмсӧ эськӧ мӧдӧді Коми Издательствоӧ дай ставыс.

Со мый колӧ тӧдны Сюзь пилы. Весьшӧрӧ, тӧдтӧг нинӧм гижны.

Прокушев Ӧндрей Ёгор.