БЫТТЬӦ ВОЙНА

Мордін вӧлӧсьтын (Кулӧмдін уездын) бӧръя воясас, революция бӧрын, виисны квайт мортӧс нин. Дерт, мукӧдсӧ виисны воча косясигӧн, а мукӧдсӧ виисны косясьтӧг, ӧшинь пырыс. Милиционер сэні абу, майбыр дивъя: коді ён, сійӧ и ыджыд. «Звиженньӧ» дырйи дзик война кодь вӧлі. Команда серти сӧмын пищальясысь зымгӧны. Сэки бара ӧти том мортӧс виисны, пищальысь лыйӧмаӧсь. Ӧні пӧ мукӧдыс рытнас весиг оз лысьтны биӧн ужнайтны. Колӧ эськӧ татчӧ ыстыны милиционерӧс, гашкӧ, ичӧтика сэтшӧм уджсьыс ӧвсясныджык. Сэсся крестьяна шуасьӧны, омӧля пӧ ӧні судитӧны морт виӧмысь, колӧ пӧ эськӧ сыысь судитны чорыда.

Селькор 184.