ПОЛУЯН ЁРТЛӦН ДОКЛАД ОРГОТДЕЛЪЯС ЙЫЛЫСЬ

Мӧскуа. Октябр 22-ӧд лунӧ Центральнӧй Исполнительнӧй Комитетлӧн 2-ӧд сессия вылын Нижегородскӧй губисполкомлысь доклад кывзӧм бӧрын сессия шуис доклад босьтны тӧдмӧд вылӧ. Сэсся сессия кывзіс доклад исполкомъясын орготделъяс йылысь. Полуян ёрт шуӧ: бӧръя воясӧ миян уджалысь йӧз ёнджыка и ёнджыка сӧветъясын заводитчӧны уджавны, сы понда исполкомъясын лои восьтыны организационнӧй инструкторскӧй юкӧдъяс (орготделъяс), мед найӧ индаласны туй уджалысь йӧзлы сӧветъясын уджавны, мед губисполкомъяс вермасны ёнджыка йитчыны вӧлӧсьтувса исполкомъяскӧд.

Полуян ёрт висьталӧм бӧрын сессия бӧрйис комиссия 17 мортысь доклад кузя резолюцияяс лӧсьӧдны.