КИТАЙСА ПРАВИТЕЛЬСТВОЛӦН НОТА КАПИТАЛИСТ ГОСУДАРСТВОЯСЛЫ

Пекин. Китайса мукӧд государствояскӧд удж нуӧдысь министр лӧсьӧдӧ нота (тшӧктӧм) мукӧд государствоса дипломатическӧй представительяслы. Нотаас министрыс гижӧ: Шанхайын пӧ кыпӧдчылӧмысь став мыжыс усьӧ мукӧд государствоса Китайын удж нуӧдысьяс вылӧ. Нотаыс тшӧктӧма мукӧд государствояслы сетны сьӧм виӧм да ранитӧм рабочӧйяс семьяяслы отсӧг вылӧ, тшӧтш тшӧктӧма бырӧдны сорлалӧм (смешанные) судъяс.

Содтӧд редакциясянь. Сорлалӧм судъясыс Китайын лӧсьӧдӧма мукӧд государствоясӧн. Сэтчӧ пырӧны суддяясыс мукӧд государствоса йӧз пиысь да китайса йӧз пиысь. Унджыксьыс сэтшӧм судас юралысьыс овлывлӧ мукӧд государствоса йӧз пиысь.