ОЗ КОВ ТАДЗИ УДЖАВНЫ

Быд во Нэмдінса крестьяна (Кулӧмдін уезд) вӧчлӧны постановленньӧяс моски вӧчӧм йылысь, сӧмын ӧти морт на эз заводитчыв москисӧ вӧчны, весиг керсӧ на эз вайны. Сідзжӧ шулісны нардом вӧчны, вайлісны кодсюрӧ кер ветымын гӧгӧр, сӧмын керйыс ӧні на туплясьӧ, сісьмӧ, а нардом вӧчӧм йылысь нинӧм оз кывсьы. Кирпич сарай вылын мыйта тьӧс вӧлі да, ставсӧ гусявлісны, кытчӧкӧ эськӧ кутшӧма вермис шогмыны. Некутшӧм сӧглас абу Нэмдінса йӧзлӧн.

Босьтчылӧй, Нэмдінса, вӧчны нардомтӧ да москитӧ. Сійӧ бурсӧ уна ваяс аслыныд жӧ.

Иван Кирӧ.