СЕЛЬСКОКӦЗЯЙСТВЕННӦЙ ВЫСТАВКА ЗЕЛЕНЕЧЫН

Урожай праздник лунӧ Зеленечын вӧлі сельскокӧзяйственнӧй выставка. Выставка вылас вӧлі вайӧма кӧйдысъяс: сю, ид, шабді, анькытш, зӧр сорӧн вика, бобӧнянь. Скӧт пиысь вӧліны татчӧс порода мӧсъяс, вӧвъяс, порсьяс, ыжъяс, курӧгъяс. Зеленечса кредитнӧй тӧварищество вайліс видз-му уджалан машинаяс да племеннӧй ӧшкӧс.

Выставка вылӧ вайлісны петкӧдланторъяссӧ 44 кӧзяйствоысь. Выставка восьтӧм вылас вӧліны 150 кымын морт.

Выставка лӧсьӧдысьясыс висьтавлісны петкӧдланторъяс йывсьыс, сэсся висьталісны мусин бурмӧдӧм йылысь, кӧдзаяс йылысь, уна переменаӧн да машинаясӧн видз-му уджалӧм йылысь.

Бурджык петкӧдланторъяссьыс сеталісны премияяс. Став премиясӧ сетісны 19 кӧзяйстволы.

Став йӧзыс выставка вылас волісны 200 морт кымын. Крестьяналы выставкаыд зэв кажитчис. Найӧ шуӧны: войдӧр пӧ надейтчылім ен отсӧг вылӧ, ӧні кутам уджавны агрономъяс индалӧм серти.

Игнатов.