БУРМӦДӦЙ КООПЕРАЦИЯНЫТӦ — ДОНТӦММАС ТӦВАРЫД
Босьтам кӧ ми промышленносьт тӧвар да сю пызь да видзӧдлам налысь донсӧ став Сӧвет Союз пасьта, аддзам — тайӧ бӧръя тӧлысьяснас доныс промышленносьт тӧварлӧн сю пызь весьтті вель ёна донтӧммисны.
Сідз, ӧти пунт сакарысь таво юнь да юль тӧлысьясын мынтам вӧлі 6 пунт сю пызь, колян во октябр тӧлысьын лоӧ вӧлі мынтыны 14½ пунт; сакар донтӧммис кык мында дорысь унджык. Сійӧ кадъяснас жӧ сов пунт сю пызьсянь донтӧммис пунт джынйӧдз. Колян во октябр тӧлысьын ситеч аршын сулалӧ волі 13 пунт пызь дон, таво юль тӧлысьын сӧмын 6½ пунт дон. Донтӧммисны кык мында кымын карасин, майтӧг, мукӧд тӧвар, сідзи водзӧ.
Оз ков вунӧдны, тані висьталӧм доныс лоӧ став СССР пасьта. Быд уездын, вӧлӧсьтын дай обласьтъясын доныс, дерт, абу ӧткодь. Ӧткымынлаын тӧварыд вермас лоны донаджык, мукӧдлаын донтӧмджык.
Мыйла тӧвар дон ёна торъялӧ ӧтилаын да мӧдлаын? Мыйла ӧти вӧлӧсьтын, шуам, ситеч донаджык, мӧд вӧлӧсьтын — донтӧмджык? Медъёнасӧ тӧвар доныд торъялӧ кооперативъяс вӧсна. Абу на ӧд быдлаын кооперативыд, сэсся оз на уналаын сійӧ уджав бура.
Кӧні кооперативыд абу, сэні крестьяниныдлы лоӧ мынтыны зэв уна сьӧм частнӧй тӧргӧвӧйлы. Кӧні кооперативыд кӧть и эм да, уджалӧ омӧля: тӧварыс абу, либӧ омӧль сійӧ да дона. Медым промышленносьт тӧвар вылӧ доныс оз кай, крестьяналы аслыныс колӧ лӧсьӧдны кооператив, пырны быдӧнлы сэтчӧ шленӧн дай уджавны сэні. Бур кооперативыд ӧд крестьянаыдлы ас саяныс.
Сӧвет власьт кык во нин помала чинтӧ донсӧ тӧвар вылӧ чукӧрӧн вузалігӧн (
Сарабьянов.
