ЛОКАРНО ЭШТІС СИЗИМ ЧАС ДА ДЖЫНЙЫН ОКТЯБР 17 ЛУНӦ

Чемберлен повзьӧдлӧ Германияӧс.

Повзьӧдлӧмӧн тшӧктӧны кырымавны гарантийнӧй договор.

Париж. Октябр 16-ӧд лун. Чемберлен (англияса мукӧд государствояскӧд удж нуӧдысь министр) Локарноын гарантийнӧй договор лӧсьӧдӧм йылысь шуис англияса газетъясӧ гижысьяслы: ӧні пӧ миян сёрни кузя кутшӧмкӧ кӧ государство заводитас орӧдны артмыны нин заводитчӧм сёрни, сы вылӧ водас зэв ыджыд мыж. Тайӧ Чемберлен шуӧмнас повзьӧдӧны Германияӧс, коді корӧ союзникъяслысь петны Кёльн гӧгӧрысь (Кёльныс Германияын. Сӧмын война бӧрти союзникъяс босьтісны сійӧс ас кипод улас), кокньӧдны Рейнскӧй обласьтын (Германияын жӧ) союзникъясӧн ыджыдалӧм да уджӧдӧм. Сэки вӧлисти Германия кӧсйысьӧ кырымавны гарантийнӧй договорсӧ.

ЛОКАРНО. Конференциялӧн медбӧръя заседанньӧ воссис октябр 17-ӧд лунӧ асывводзнас 6½ часын. Буретш ӧтик час мысти (7 час да джынйын) лои кырымалӧм гарантийнӧй договор. Сы бӧрын конференция тупкысис-помасис.