ПОШТА КУД
Койгорт. Селькорлы. «Койгортын» гижӧдыд оз мун. Тэ лист бок да джынйын гижан став вӧлӧсьтувса учрежденньӧяс, организацияяс йывсьыд дай ещӧ вӧлӧсьтувса олӧм йывсьыд. Некутшӧм удж йылысь абу вермӧмыд прамӧя гижны. Колӧ гижны кутшӧмкӧ ӧтитор йылысь да спутюджык.
Паджга. Кодзувлы. Больнича йывсьыд вӧлі нин гижӧд да, сійӧс ыстім обласьтувса дзоньвидзалун кутан юкӧдӧ. Мукӧдас зэв поснитор йылысь гижӧмыд, оз мунны. Гиж стенӧ ӧшӧдан газетад.
Емдін. Басиновлы. Оз кӧ куж вӧчавныс мельничаяссӧ, оз ков сылы сетны.
Чуклӧм. Уджалысь мортлы. Письмӧтӧ мӧдӧдім Сыктыв уездувса исполкомӧ.
Техникум. Шуктомовлы. Дона ёрт, тэ нӧ газеттӧ лыддян он? Картупель сісьмӧм йылысь зэв нин унаысь газетын гижлім.
Ме. Ним-овсӧ нӧ секретарыслысь мыйла эн гиж, сытӧг огӧ газетӧ лэдзӧ.
Висдін. Ветлысь-мунысь коми мортлы. Лютоев Микайлӧ Степанович йывсьыд гиж выльысь, медым гӧгӧрвоанаджык вӧлі. Ӧнія ыстӧм гижӧдсьыд унатор эгӧ гӧгӧрвоӧй.
Межадор. Крестьянин пилы. Поп йывсьыд оз мун. Сетан кӧ сылы, дерт, босьтас. Вочакывйыд оз жӧ мун, паныдсӧ нинӧм он гиж. Комсомолыдлы кортӧгыс колӧ отсавны пионер чукӧрыдлы, сійӧ сылӧн уджыс.
Керчомъя. Велӧдысь Гичевлы. Дона ёртӧй, оз кӧ тырмы тэныд кадыд, мыйла нӧ посниторъяс йывсьыс гижан?
Зеленеч. Гӧль крестьянинлы. Туй вӧчтӧмсьыд колӧкӧ юралысьыд ньӧти абу мыжа. Колӧ бура тӧдмалӧм мысти сы йылысь гижны.
Сёська. Велӧдысьлы. Школа йывсьыд тӧдчанторсӧ нинӧм он гиж. Выставка йывсьыд нинӧм жӧ он гиж. Колӧ вӧлі гижны, уна-ӧ йӧзыс воліс, кыдзи йӧзыс видзӧдӧны выставка вылас да мый шуӧны.
Сыктывдінкар. Шуктомовлы. Моски йывсьыд оз мун.
Койгортса исполкомлы. Гижысьсӧ, нелючки кӧ гижӧма, вермад сетны судӧ. Судас видлалӧм бӧрын, гижысьыс кӧ мыжа лоӧ, гижам газетӧ.
Вениб. Лодыгинлы. Воча шыасьӧмыд оз мун. Нинӧм он гиж ячейкаса удж йылысь.
Нёбдін. Иван Кирӧлы. Кӧсъян кӧ газетысь аддзыны ассьыд гижӧдъястӧ, колӧ мӧдӧдны пырысьтӧм-пыр. Тэ чукӧртӧмыд гижӧдъястӧ кык тӧлысь чӧж да ӧти пакетын мӧдӧдан; сідзинад, дона ёртӧй, газеттӧ некод оз кут лыддьыны.
Сыктывдінкар. Домна Васьлы. Гижӧдыд сёрмис нин, кӧдзан кадыд ӧд прӧйдитіс важӧн нин.
Чапа Шорлы. Велӧдчысьяс асьныс вермӧны лӧсьӧдны оланінтӧ.
Дядя Ивӧлы. Гижӧдыд газетӧ оз мун.
Йӧрӧсдін. Тӧдысьлы. Видз-му лыдтӧ тіянын крестьяна асьныс скодъяс вылын висьтавлӧмаӧсь. Сідзкӧ налогтӧ сійӧ висьталӧм серти и босьтӧны.
[...]
