НИНӦМ АБУ

Нёбдін вӧлӧсьтын нёль тӧлысь нин абу пельшӧр. Висьысьяс зэв унаӧн. Шойнатыысь эськӧ пельшӧрыс волывлӧ жӧ, да зэв гежӧда, вежон пиас ӧти лун волас дай сійӧ оз ов лунтыр. Нёбдінын 2000 морт. Колӧ сэтчӧ ыстыны пельшӧрӧс либӧ докторӧс.

Школаясӧ эськӧ челядь велӧдчынысӧ волывлӧны да, велӧдчыныс нинӧмӧн. Нига ни, карандаш ни, бумага ни, нинӧм абу. Велӧдысьясыс матӧ нин воӧмаӧсь.

Милицияысь Макаровӧс чӧвтӧм бӧрын милиционеръяс Нёбдінӧ эз кутны ӧшйыны. Воліс Тарасов, да регыд бӧр муніс. Сэсся бура дыр милиционертӧг вӧлі. Неважӧн локтіс Коюшев (Кӧрткерӧсысь), да сӧмын омӧля сійӧс аддзылан. Исполкомса юралысьыс пӧгибӧ нин воӧма: помала локтӧ исполнитан листъяс, а милиционерыс зэв шоча волывлӧ исполкомас. Ӧні гортас мунӧма исполкомлысь юасьтӧг. Колӧ эськӧ Нёбдінӧ бурджык милиционер.

Шыпач.