КЫМЫН ВЕЛӦДЧЫТӦМ МОРТ ЭМ СЫКТЫВДІНКАР ШӦРЫН?

Кыдзи найӧс кӧсъям велӧдны

Педтехникумын велӧдчысьяс «Долой Неграмотносьт» общество индӧм кузя неважӧн ветлісны кар кузя керкаысь керкаӧ да тӧдмавлісны, кӧні эмӧсь велӧдчытӧм йӧз 14 арӧссянь 35-ӧдз. Сэтшӧмыс ӧкмис (чукӧрмис) 80 морт. Унджыкыс асьныс окотитӧны велӧдчыны. Карса «Долой Неграмотносьт» обществоса ячейкасьыс шленъяс кӧсйӧны найӧс велӧдны некутшӧм дон босьттӧг Ленин шуӧм кузя: мед быд велӧдчӧм морт велӧдас кӧть ӧтик велӧдчытӧмӧс.

Быдлаын кӧ велӧдчӧм йӧз кутчысясны тадзи велӧдны неграмотнӧйясӧс, Октябрса революция 10 во тыригкежлӧ пемыдлун ми бырӧдам.

Ж—в.