КОЛӦ МИЯНЛЫ АГРОНОМ

Визь вӧлӧсьтын (Емдін уезд) зэв шоча волывлӧны агрономъяс. Вымскӧй районын эськӧ эм участкӧвӧй агроном, да сӧмын зэв шоча волывлӧ миян вӧлӧсьтӧ. Во чӧжӧн воліс сӧмын ӧтчыд ли, кыкысь ли, дай сійӧ пыр бӧр муніс. 1923ʼ воын воліс миян вӧлӧсьтӧ уездувса агроном Харламычев. Сійӧ ёна сёрнитліс крестьянакӧд, висьтавліс бурсӧ выль ногӧн му-видз уджалӧм йылысь да агрономӧс видзӧмысь. Крестьяна сэсянь на пыр сёрнитӧны агроном йылысь, сійӧ отсалӧмӧн надейтчӧны лэптыны ассьыныс кӧзяйствосӧ. Крестьяна пыр юасьӧны — мыйла оз лок вӧлӧсьтӧ агроном.

Видз-му юкӧдъяслы колӧ Визь вӧлӧсьт вылӧ бурджыка видзӧдлыны да тшӧкыдджыка ыстывлыны агрономӧс либӧ ыстыны вӧлӧсьтӧ пыр уджалӧм вылӧ.

Сэтчӧс.