КОМСОМОЛЛӦН УДЖЫС УЖЪЯЫН

Колӧ отсыштны

Ужъяын (Сыктыв у.) бӧръя тӧлысьяснас гырд мытӧн вӧлі ёна йӧзыс висьӧны да, комсомоллӧн уджыс дзикӧдз куслі. Мыйӧн висьӧмыс прӧйдитіс, комсомоллӧн уджыс бара кутіс кыптыны. Уджалӧны нардомын да Краснӧй уголокын. Стӧрӧжлы ни, заведуйтысьлы ни некутшӧм дон оз ков мынтыны — кыкнаныс комсомол пытшсьыс. Карасинсӧ асьныс жӧ ньӧбӧны. Комсомоллы кӧ кутасны отсавны общественнӧй да кӧзяйственнӧй организацияяс, сійӧ уджсӧ ещӧ на эськӧ вермас кыпӧдны. Вӧлӧсьтувса бюджетӧ тшӧтш колӧ неуна сюйны сьӧм нардомлы да Краснӧй уголоклы, а кооперативлы отсавны карасинӧн. Сэки эськӧ комсомолыд аслас сьӧм вылӧ кутас судзӧдны газетъяс да журналъяс. Уджыд комсомоллӧн сэки кыптас ёнджыка.

Тӧждысьысь крестьянин.