СТАВРОЧМУВЫВСА ЦЕНТРАЛЬНӦЙ ИСПОЛНИТЕЛЬНӦЙ КОМИТЕТЛӦН 2-ӧд СЕССИЯ
Киселёв ёртлӧн доклад карувса сӧветъяс йылысь
Мӧскуа. Октябр 13 лунӧ Мӧскуаын воссис Ставроссияса Центральнӧй Исполнительнӧй Комитетлӧн 2-ӧд сессия. Медвойдӧр доклад вӧчис Киселёв ёрт карувса сӧветъяс йылысь. Киселёв ёрт шуӧ: выль закон карувса сӧветъяс йылысь ӧтувтӧ став уджалысь йӧзсӧ, сетӧ быдӧнлы удж. Карувса сӧвет лоӧ быд карын да рабочӧй оланінъясын. Карувса сӧвет чукӧртчылӧ уджавны сэтшӧм местаясӧ, кӧні олӧ медся уна уджалысь йӧзыс. Карувса сӧветлы сетсьӧ уна права, сійӧ вермӧ тшӧтш лӧсьӧдны карувса бюджет, вермӧ лӧсьӧдны каръясын вотъяс, вермас вӧчны заём заграничаын. Сӧвет — кӧзяин карувса овмӧс вылын. Выль закон сетӧ карувса сӧветъяслы уна права, сӧветъяс вермӧны ӧні ёна уджавны, вермасны карувса овмӧс кыпӧдны. Выль закон ӧтувтӧ сӧветъяс дінын зэв уна выль уджалысь йӧзӧс, найӧ отсаласны Октябрскӧй революциялысь да Ленинлысь тшӧктӧмъяссӧ помавны.
Доклад вӧчӧм бӧрын заводитчисны вензьыны (
