КУТШӦМА МУНӦ СӦВЕТЪЯСӦ БӦРЙЫСЬӦМ?

Тайӧ кадын миян обласьтын мунӧ бӧрйысьӧм вӧлӧсьтувса сӧветъясӧ. Ми корам гижны газетӧ та йылысь ассьыным селькоръясӧс дай ёртъясӧс, кодъяс нуӧдісны сӧветӧ бӧрйысьӧм уджсӧ. Гижны колӧ со мыйяс йылысь:

1) Мыйта вӧліны йӧзыс волсӧветӧ бӧрйысян собранньӧ вылын (гижны прӧчентӧн бӧрйысьны вермысь став йӧз серти); вӧліны-ӧ собранньӧ вылын нывбабаяс дай мыйтаӧн вӧліны.

2) Мый йылысь вӧлі сёрни собранньӧ вылын.

3) Висьталісны эз вӧлӧсьтувса исполком удж йылысь. Мый шуис собранньӧ сійӧ удж йылысь, кутшӧм удж да кыдзи тшӧктіс водзӧ нуӧдны.

4) Кымын мортӧс бӧрйисны волсӧветӧ, волисполкомӧ; кымын морт бӧрйӧм йӧз письыс шӧркоддьӧма олысь крестьяна, гӧльяс, партийнӧйяс.

5) Кымын гӧрдармееч-отпускник веськалі волисполкомӧ.

6) Эз-ӧ вӧв кодъясӧнкӧ крестьянаӧс мырдӧналӧм сӧветӧ бӧрйысигӧн.

7) Воддза вояс серти бурджыка-ӧ муніс бӧрйысьӧмыс.

Дерт, абу быть тані индӧм ног гижны бӧрйысьӧм йывсьыд. Позьӧ и мӧд ногӧн гижны, позьӧ и мукӧдджыктор гижны. Ми сӧмын тані индам сюрӧссӧ, медым селькоръяслы кокниджык вӧлі гижны.

Редакция.