НЁБДІНСА КООПЕРАТИВ УДЖАЛІС БУРА

Нёбдінын (Кулӧмдін у.) октябр 4-ӧд лунӧ лыддьысян керкаын бӧрйисны кооперативӧ выль правленньӧ. Важ правленньӧыс вӧчис аслас удж йылысь доклад. Кооператив уджалӧма бура. Судзсьытӧмъяс некутшӧм абу (войдӧрсӧ мукӧд правленньӧясыс эз судзсьывлыны сё-мӧд шайтӧн). Крестьяналы колан тӧварсӧ кооператив вузавлӧма донтӧгджык Шойнатыын да карын дорысь. Став барышыс лоӧма 600 шайт саяс. Шленъяс правленньӧлысь уджсӧ ошкисны. Выль правленньӧлы тшӧктісны корсьны воддза вошӧм тӧварсӧ (вошлі 1923ʼ воын шайт 500 дон кымын). Барышсьыс 60 прӧчентсӧ шуисны пуктыны паевӧй взносӧ, а 40 прӧчентыс устав серти пуктыссьӧ основнӧй капиталас. Правленньӧас бӧрйисны куим мортӧс, важъяссӧ (кыкыс коммунистъяс, коймӧдыс беспартийнӧй — зэв тӧлка морт). Сэсся шленъяс шуисны вайны вӧлӧсьтӧ ӧтик бур рӧда ужӧс да ӧтик ӧшкӧс обласьтувса видз-му юкӧдысь. Ревизионнӧй комиссияӧ бӧрйисны куим мортӧс. Коммунист партияса ячейка бӧрйысигӧн некутшӧм списокъяс эз мыччыв.

Надейтчам, кооператив ещӧ на бурджыка кутас уджавны водзӧ.

Шыпач.