КОЛӦ БУРДЖЫК ЮРАЛЫСЬӦС БӦРЙЫНЫ

Выльгортса волисполкомын (Сыктыв у.) юралысьыс Сивков оз ёна тӧждысь йӧз пондаыд:

Граждана шулісны корны пельшӧрӧс да акушеркаӧс, кӧсйысьлісны сетны налы дась патера, ломтӧмӧн — Сивковыд ӧнӧдз на нинӧм эз вӧч та кузя.

Граждана шулісны лӧсьӧдны вӧлӧсьтын электрическӧй би, тшӧктылісны юралысьлы ветлӧдлыны керкаясӧд, гижавны кодъяс желайтасны — Сивковыд бара нинӧм эз керлы.

Граждана шулісны лӧсьӧдны Выльгорт кузя моски, туйыс зэв няйт да — Сивковыд бара жӧ нинӧм эз керлы.

Граждана шулісны лӧсьӧдны гожӧмбыд кежлӧ пӧжарнӧй дежурство вӧвъясӧн — юралысь Сивков нинӧм эз и вӧчлы.

Граждана тшӧктылісны чорыдджыка босьтчыны, мед скӧт эз травит няньяс, турунъяс, пуктасъяс — юралысь нырсӧ эз мыччыв.

Уна на сюрас татшӧмторъясыд.

Татшӧм юралысьтӧ водзӧ кежлӧ оз нин ков бӧрйыны.

Зон.