ПРАЗДНИЧАЙТӦНЫ НЁЛЬ ЛУНӦДЗ

Волся вӧлӧсьтын (Сыктыв у.) вӧлі праздник «пречиста» (сентябр 21-ӧд да 22-ӧд лунын). Сентябр 24-ӧд лунас нин крестьяна унаӧн чукӧрмылісны кутшӧмсюрӧ могъясӧн волисполкомӧ, сӧмын волисполкомса уджалысьясыс некод эз вӧв. Секретарыс лэччӧма карӧ сӧвещанньӧ вылӧ, а юралысьыс эськӧ сутш кежлӧ пыраліс жӧ, да бӧр муніс: делӧ пӧ меным талун уджавныс, волӧй пӧ мӧд лун — шуӧ. Вӧліны сэні туй вылӧ мӧдӧдчӧм йӧз, да лои тай налы бӧр гортад бергӧдчыны. Делопроизводительыс Кузьбожев заводитӧма юныс праздникӧдзыс кык лун водз да юас на пӧ вель дыр. Сідзтӧ эськӧ оз жӧ ков эновтны волисполкомтӧ да. Сэтчӧ ӧд быд лун крестьянаыд волӧны могъясӧн.

Син.