ПИОНЕРЪЯСЛЫ КОЛӦ ОТСЫШТНЫ

Зеленеч вӧлӧсьтын (Сыктыв у.) пионер чукӧр организуйтчыліс 1925 воын апрель 10-ӧд лунӧ. Сэки пионер чукӧрас вӧлі 19 морт. Войдӧрсӧ уджыс пионеръяс пӧвстын муніс зэв омӧля. Комсомол ячейка оз на вӧлі куж на пиын уджавныс, оз на вӧлі тӧд, мый накӧд вӧчныс. Гожӧм кежлӧ пионер чукӧрӧ коли сӧмын ӧкмыс морт. Сэки уджсӧ нуӧдны пионеръяс пӧвстын ёна отсаліс лыддьысян керкаын юралысьыс Мальцев. Ӧні пионер чукӧр бара содіс 28 мортӧдз. Пионер чукӧрлӧн олӧм зэв омӧль. Оз во пионеръяслы некутшӧм журналъяс ни, газетъяс ни, нинӧм. Комсомол ячейка гӧль, отсавны нинӧмӧн оз вермы. Шеф пионер чукӧрлӧн абу.

Зеленечса пионер чукӧр вылӧ колӧ видзӧдлыны районнӧй бюролы.

Вожатӧй Камбалова.