ТАВОСЯ НАЛОГ АБУ ЫДЖЫД

Кӧрткерӧсын (Кулӧмдін у.) таво видз-му вот (сельхозналог) пуктӧмаӧсь ставсӧ 1.756 шайт да 63 ур, колян вося серти 481 шайтӧн да 45 урӧн этшаджык (колян во вӧлі 2.238 шайт да 8 ур). Сэсся таво шер жугӧдліс нянь да, унаӧн зэв сетлісны заявленньӧяс налогӧвӧй комиссияӧ налогсӧ чинтӧм вӧсна. Комиссияыс видлаліс заявленньӧяссӧ да чинтіс крестьяналысь налогсӧ 422 шайт да 20 ур. Сэсся сетісны кокньӧд выль местаӧ мунысьяслы (кыкӧн овмӧдчисны Лӧкчим вожӧ да ӧти Богослов округӧ) 10 шайт да 82 ур. Гӧрдармееч семьяяслы, инвалидъяслы да велӧдчысьяслы чинтісны налогсӧ 95 шайт да 94 ур. Гӧльджык олысьяслы да ещӧ кодсюрӧлы куим прӧчента фондысь чинтісны 41 шайт. Ставсӧ налогсӧ чинтісны 691 шайт да 6 ур. Вотсӧ ставсӧ лоӧ мынтыны сӧмын 1247 шайт да 57 ур. Колян вося серти крестьяналы лоӧ мынтыны налогсӧ этшаджык 990 шайтӧн да 50 урӧн.