ОБСОЮЗ, ЭН ВУНӦД!

Миян обсоюзӧ пӧшти быд лун волӧны деревняса кооперативъясын уджалысьяс тӧварла, либӧ деньга мынтыны, либӧ мукӧд уджъясӧн. Войын воысьяслы мукӧддырйи дзик некытчӧ сувтны. Ӧти-кӧ, оз лэдзны некытчӧ, мӧд-кӧ, век ковмас повны деньгатӧ либӧ тӧвартӧ видзӧмсьыд, мед эськӧ оз вош кыдзкӧ. Быд ног зэв абу лӧсьыд Сыктывдінкарад волӧмыд, а волынытӧ век колӧ.

Обсоюзлы колӧ неуна кӧть отсыштны деревняса мужикыдлы. Позьӧ эськӧ (дай сідзи и колӧ) лӧсьӧдны нарошнӧ сы вылӧ патера обсоюзлы, мед эськӧ позис шонтысьны ямщикъяслы да овны кооперативысь волысьяслы. Тайӧ зэв колантор; обсоюзлы колӧ та йылысь бурджыка мӧвпыштны. «Крестьянин керкаыд» кор на да кыдзи ещӧ лоӧ, а тайӧ ӧні жӧ колӧ вӧчны. Обсоюз, эн вунӧд!

Унаысь кыкӧн.