БУРДЖЫКА ВИДЗӦЙ ЛЫДДЬЫСЯН КЕРКАЯС!

Зеленечса лыддьысян керкаын некутшӧм пӧрадок абу. Кор он пыр сэтчӧ, век дурӧны да увгӧны. Комсомолечьяс эськӧ ас костас пуктыласны жӧ дежурнӧйясӧс, да найӧ ӧлӧдӧм пыдди асьныс медъёна дурӧны. Избачыс оз жӧ зіль ӧлӧдныс дурӧмсьыс. Унаысь аддзылан — пызан вывсьыс газетъяс шыблалӧмаӧсь ӧтарӧ-мӧдарӧ. Газетъяссӧ коді лыддьӧ, коді зептас сюйӧ, ӧлӧдысь некод абу. Кор вӧлі Мальцев ёрт избачын, сэки ёна вӧлі волывлӧны лыддьысян керкаӧ боки сиктъясса нывъяс да зонъяс, а ӧні некод оз волывлы. Весиг комсомолечьясыс оз волывлыны. Избачлы кад нин чорыдджыка кутчысьлыны уджас дай комсомолечьяслы колӧ зільджыка уджавны.

Видзӧдысь.