ЙӦРТЫМЫН СӦВЕТ БӦРЙИСНЫ

Йӧртым вӧлӧсьтын (Емдін у. Удораын) сӧветӧ бӧрйысьӧм удж муніс август 15-ӧд лунсянь сентябр 15-ӧд лунӧдз. Став вӧлӧсьтувса сиктъясас вӧліны общӧй собранньӧяс. Собранньӧяс вылас вӧчалісны докладъяс да бӧрйисны делегатъясӧс. Собранньӧяс вылӧ йӧзыс волісны быд сё морт пиысь морт нелямын вит кымын.

Сентябр 13-ӧд лунын Веньдін сиктын вӧлі медводдза собранньӧ. Сэні бӧрйисны сельскӧй сӧвет. Сӧветас веськаліны ставыс грамотнӧй йӧз, ӧтик вӧлі нин коркӧ юралысьын сельсӧветас.

Сентябр 15-ӧд лунын Йӧртымын вӧлі 12-ӧд вӧлӧсьтувса съезд. Съезд вылын вӧліны 29 делегат. Вӧлӧсьтувса исполкомӧ бӧрйисны лыддьысьны-гижны кужысь йӧзӧс. Крестьяна на вылӧ видзӧдӧны бура. Юралысяс бӧрйисны Калининӧс. Сійӧ учрежденньӧясын служитӧ важӧнкодь нин. Шлен-секретарыс веськалі Пичулин. Сійӧс бӧрйисны исполкомас коймӧдысь нин. Шленас бӧрйисны Павлековӧс, сійӧ кандидат коммунист партияын. Чайтам, тайӧ бӧрйӧм йӧзыс кутасны бура уджавны.

Соболь.