ИЧӦТИКА ВИДЗ-МУ ЛӦСЬӦДӦМ ЙЫЛЫСЬ
Муӧн вештасигӧн кыдзи позьӧ торйӧдчыны обществоысь
Таво уна вӧлӧсьтын мунӧ видз-муӧн вештасьӧм (
Медся ёна юасьӧны: позьӧ-ӧ выль-вӧчӧм видз-му ӧтлаӧдны, позьӧ оз вота видз-мукӧд вежлавны?
Та йылысь обласьтувса видз-му управленньӧ висьталӧ: видз-му юклігӧн, видз-му закон чукӧрса 135 статья серти, быд кӧзяйство, торйӧн, ӧтнасӧн, либӧ кымынкӧ кӧзяйство ӧтлаӧ вермӧны торйӧдчыны обществоысь; вермӧны ӧтлаӧдны разі-пелиса видзьяс да муяс, мый мында налы (обществоысь торйӧдчысьяслы) воӧ ас пай выланыс обществоын юклысигӧн лӧсьӧдӧм норма серти.
Торйӧдчысьясӧс общество кутны оз вермы. Торйӧдчысьяслы обязан сетны ӧтлаӧ видз-муяс сэтшӧм местаӧ, мед оз ло налӧн (торйӧдчысьяслӧн) сорті-кості обществоӧ кольысьяскӧд, дай сетны кыдз позьӧ матысьджык да мед уджалігӧн туйӧн позьӧ ветлыны.
Выль вӧчӧм видз-му торйӧдчиганыс позьӧ жӧ торйӧдчысьяслы ӧтлаӧдны вота видз-му дорӧ. Вежласьӧны выль вӧчӧм видз-муясыс вота видз-муяс моз жӧ ыджда сертиыс да сорт сертиыс.
Торйӧдчысьяслы кӧ местаыс вундыссьӧ вота видз-муясысь да налӧн кольӧ обществолы вота видз-муяс пыдди выль вӧчӧм видз-муяс, сэки сійӧ обществонас юксьӧ вота видз-му моз жӧ. Торйӧдчысьяслы кӧ видз-муысь вундыссьӧ сэтшӧм местаӧ, кытӧні мукӧд гражданаыслӧн эмӧсь выль видз-муяс, сэтшӧм гражданаяслы обществоысь выль вӧчӧм видз-муяс пыддиыс сетсьӧ вота видз-муясыс вотӧ сюйтӧг. Сійӧ видз-мусӧ уджавны вот мынтытӧг кутасны сы дыра, мый дыра вӧлі позьӧ вотӧ сюйтӧг уджавны выль вӧчӧм видзсӧ либӧ мусӧ.
Обласьтувса видз-му управленньӧ.
