УЧИТЕЛЬӦС КОМСОМОЛӦ

Миян Коми муын дай став Сӧвет Союз пасьталаыс учительяс шуисны, ми пӧ мунам сӧвет власьт да партия дор.

Ӧні выль учитель деревняын отсалӧ сӧвет власьтлы, партиялы, комсомоллы уджавны. Эмӧсь на пиын уна том йӧз, эмӧсь нин и сӧвет власьт дырйи педтехникумъясысь петӧм йӧз. Найӧ комсомолкӧд ӧтвылысь деревняын коми пемыдлункӧд вермасьӧны. Учитель — медъён отсӧг комсомоллы. Сійӧ матыстчӧ комсомол дорӧ, зільӧ пырны комсомолӧ.

Комсомол учительӧс оз вӧтлы союзысь, а кыскӧ сійӧс аслас союзас. Ӧні центральнӧй комитет комсомоллӧн кокньӧдіс учительлы комсомолӧ пыран туй — лӧсьӧдіс льгота. Сійӧ льгота кузя, рабочӧй да крестьяна пиысь петӧм учительясӧс босьтӧны комсомолӧ рекомендациятӧг, квайт тӧлысь кандидатын олӧмӧн. Дерт, босьтӧны сэтшӧмъясӧс, кодъяс ёна нин отсасьӧны партиялы, сӧвет власьтлы да комсомоллы уджавны.

Тайӧ льгота кузя деревняса комсомол ячейкаяслы колӧ кутчысьны уджавны — кыскыны комсомолӧ бурджык учительясӧс.