* * *

Тан став:
И лэбачьяс, и пуяс.
И енэж ры.
И пулӧн вуджӧр помӧ туйӧс,
И воӧ рыт.

И гурйыв воссьӧ дзуртысь ӧдзӧс,
И сӧмын пыр.
А менам сёрмӧм синва сӧдзис
Дзик сьӧлӧм тыр.

Ме кольлі челядьдырӧс татчӧ,
И сера кӧв.
Кӧн сійӧ нывкаыс, ог аддзы,
И гӧгӧр чӧв.

Но век жӧ кодкӧ менӧ тӧдіс:
— Но лок вай, лок! —
И содіс сьӧлӧм тіпкан ӧдӧй,
И сылі шог.

— Тэ Кадсӧ корсян... — шуис чӧла, —
Со, ломты пач,
Тан регыд лоӧ вывті тӧла... —
Чуйдіс тадз.