* * *

Вуджам Ку, а сэсся Ы, и пырам
Митьӧв кладбищелӧн крестъяс дорӧ.
Коді татчӧ волынысӧ корӧ
Катшасинсӧ ӧктыны ки тырӧн?

Сӧмын тӧвру шӧйтӧ пуяс костӧд,
Дикмӧм, пӧрысь — некодӧс нин о́з тӧд.
Кок водзсьыным гартлӧ васӧд турун,
Косьмӧм корйӧн кышӧдчӧмӧн дурӧ.

Ас пӧль-пӧчкӧд панам векся сёрни.
Кӧть и тӧдам — сёрнинаным сёрмим.
Мый ми шуам, шуӧмаӧн лоас...
Сійӧ кывйыс коркӧ миӧдз воас...