ЗАРНИ БОБУВ

...И зарни бобув
вӧтам воис кыськӧ,
Ме восьті содз, но пуксьыны эз чайт,
А лолӧс аслас вералӧмӧн мыськис.
Друг петкӧдчыліс меным шонді сай, —

И воис юӧр: тайӧ зарни чирйыс
Тэ олӧмысь. Но мыйла сійӧ тан?!
И тайӧ здукас йӧткис кодкӧ дзиръя
Да пырис вӧтам — кыв ни джын эз пан,

А тшапкис соддзас бобувсӧ и муніс,
И пемдіс ывла гажӧн тырлӧм вӧт.
А бобулыскӧд тшӧтш и вошті унмӧс,
И ӧні сытӧг вой ни лун ог тӧд.