* * *

Тэ юӧн вӧлін, лысваӧн, и зэрӧн,
И гора шорӧн тулысвывсӧ збоя
Тэ вуджин уна васӧдін да керӧс
И лэбачӧн ме дінӧ ӧтчыд воин.

Но эг тӧд тэнӧ — вӧтлі арся йирас,
И кор нин югдіс, сӧмын сэки аддзи,
Мый ӧшинь улам точалӧма вирыд,
Дерт, войнас волін отсӧг корны татчӧ.

Бӧр косӧдны ли корны ӧні вынтӧм,
И мед кӧть кыдзи чуксала — тэ ылын.
И дойыс ӧні менсьым сьӧлӧм кынтӧ.
А тэ и меысь ёнджыка на кылан.