* * *

Чардбиӧн чашкӧдӧм пучер костӧ
ланьтӧма рытъя шонді.
И меным колӧ сы пыр мунны,
медым тӧдны,
кытчӧ менам туйыс.

Черань лэчкӧ шедӧм бобувлӧн
ем йыв ыджда сьӧлӧмыс
чеччӧ.
И меным колӧ сы пыр мунны,
медым тӧдны,
кытчӧ менам туйыс.

Туйӧс кресталіс мӧд туйӧн тэнад радейтӧм.
И меным колӧ сы пыр мунны,
медым тӧдны,
кытчӧ менам туйыс.

И эм вын — кусӧм дзоридзьяс ловзьӧны.
И меным колӧ сы пыр мунны,
медым тӧдны,
кытчӧ менам туйыс.