«АРСЯ САД» ЦИКЛЫСЬ

1.
Ликмӧдчылас вом дорнас быд чалльӧдз,
Кывзас асъя кӧдзыдыслысь сӧдз,
Ветлӧдлӧ да киссьӧм корсӧ тальӧ
Жугыль садйын мышкырасьысь пӧч.

Крука бедьнас гудйыштас кок увсӧ,
Оз-ӧ аддзы сэтысь пышйӧм ун.
Видлас вуджны мӧвпнас енэж юсӧ,
Но оз тырмы сылы дженьыд лун.

Ышмылас да бедьнас котшкас пуӧ —
Лыбас сюрс ли унджык бобув рӧд.
Быдӧн ассьыс зарни лунсӧ нуӧ...
Сӧмын кытчӧ? Некоді оз тӧд.

2.
Пуясӧйлысь чальяссӧ тӧв паркӧдӧ.
Ӧшинювса ичӧт садъям ар ӧд нин:
Кольквиж корйыс мулы сывъяс киссьӧма...
Морӧс пыдын — мортӧн кольӧм из сяма.
Коді тӧдас донсӧ? Некод оз кӧ-а...
Кыла тӧдса воськовъястӧ поскӧдыс...
Коді муніс — сьӧд вӧр шӧрӧ вошӧма,
Ӧні сійӧ меным... шӧйтысь ош кӧ-а.